踏入2025年，姜濤噚晚（3日）推出全新派台作品《白果》，道出他對於獎項的心聲，MV更找來900位姜糖拍攝，造就一場別具意義的頒獎禮。出道至今已6年，《白果》是姜濤對於獎項、頒獎禮的看法和感悟，他以自己作為例子解釋道：「以我為例，我上年出咗3首歌，fans會話我出唔夠歌，會唔會攞唔到獎，於是我就思考係咪要出多啲歌，符合fans對我嘅期待呢？但上年出歌嘅頻率係我感到舒適嘅節奏。」
對於獎項，姜濤覺得只屬於鼓勵性質，「攞到獎故然好，但攞唔到獎都唔代表我做嘅每一首歌係白費。無論攞獎與否，自己點樣評價自己先係最重要，呢個係《白果》想表達嘅訊息。」其實獎項、頒獎禮無處不在，《白果》唱出的亦是眾生相。姜濤續道：「每個行業都會有各種獎項或者唔同嘅頒獎典禮，例如運動員都會緊張自己會唔會攞到冠軍，學生會唔會攞到優異獎，但係咪代表冇獎嘅人就係nothing？我覺得唔係，無論成績如何，我都希望自己可以做到以坦然嘅心情去面對任何結果，同時亦希望每個人都可以做到，因為我覺得人生唔係得一個獎項，人生仲有好多唔同嘅嘢。」
既然說到獎項、頒獎禮，今次《白果》MV的場景設置成一個頒獎典禮，更動員了900位姜糖參與拍攝，其中一些姜糖更戴上面具，原來是有特別原因。姜濤道：「我每次坐喺頒獎典禮場地裏面，我都唔係放鬆，我相信每個歌手坐喺台下嘅時候，應該多少都會有緊張，因為每個人都希望自己嘅努力會被肯定，係好正常嘅一件事，但除咗台上嘅獎項，係咪仲有其他嘢我哋可以攞到呢？MV裡面係一個好抽象嘅頒獎典禮，每個戴住面具嘅fans，係代表各行各業嘅人，我哋去每個頒獎典禮嘅時候，會用面具遮住自己緊張嘅心情。希望大家都可以放低面具去enjoy每一個頒獎典禮，真係enjoy the show，而今次有900位fans成為台下觀眾，好多謝咁多位嘅參與。」來到2025年，姜濤將會重新出發，他坦言：「我始終係好鍾意唱歌、做歌手，2025年我會做好多一系列，大家期待咗好耐嘅、唔同嘅歌曲俾大家。」
姜濤在今年度再奪「我最喜愛的男歌手」，以及連續五年獲得「叱咤樂壇我最喜愛的歌曲大獎」，但佢在台上沒有發表太多得獎感受，僅表示：「嘩……係完全估唔到，唉……又要畀人鬧喇！」又著網民「口下留情」。隨着新歌面世，姜濤沉澱兩天後在社交網抒發感受「老實說，今年參加頒獎典禮，確實是抱著吃白果的心態去的，因為去年出的歌很少，主要是想在音樂這條路上重新審視自己，以及好好籌備下一年的所有計劃。但結果出乎意料，榮幸獲得了「我最喜愛」獎項。我在台上所說的『害怕』，其中一部分原因確實是因為太在意外界的某些聲音，導致自己沒有像過去那麼自信；再者就是自知實力仍不足，還有很大進步空間，所以懼怕別人會以獲獎記錄將自己與前輩進行比較。」
姜濤指無論如何非常感恩投票給自己的人，「特別是對我不離不棄的粉絲，是你們無條件的支持，讓我能再次站上頒獎台，是你們一直給我力量，讓我重拾自信。《好得太過份》這首歌是我送給粉絲的，但也希望大家可以把這首歌獻給身邊一直在愛我們、默默為我們遮風擋雨的家人、朋友、愛人。請大家放心，我不會高傲自負，也不會妄自菲薄，感謝大家的指點，我會繼續更專注地做好自己的音樂。過去的種種就let it go吧，我會重新出發，Everybody good show！」
