姜濤和Anson Lo赴巴黎睇時裝騷，二人在當地與Wyman齊齊欣賞男裝兼共聚，三睇完騷仲直落食飯傾偈，席間Wyman發辦叫了大大盆生蠔和龍蝦等等，三個人食得好開心。
而Wyman在IG帖文：「上次3月倫敦茶聚已經開始夾時間6月巴黎食飯。結果又食到又食唔到又食到又食唔到反覆咗幾次，本身已經放棄咗，終於喺兩日前又突然「撈」得返（海底撈月個撈唔係𢱑撈個撈），大家犧牲瞓覺時間喺Paris食到過咗半夜⋯⋯。」
他指這個飯局有一個令自己好尷嘅位，就係俾人偷偷埋咗張單，「我負責book餐廳諗住請客，所以點菜時懶豪亂叫一通叫到成枱都係希望唔好待慢啲客人，結果臨尾俾人偷偷埋咗張單。下次無論喺地球上邊度偶遇，求吓你哋俾我請，好唔慣唔係有大食大俾年紀細過我嘅人請我食飯。不過，呢餐係開心嘅。」
