姜皓文嚴重哮喘變好　多得發哥帶領愛上運動

姜皓文自從發哥開始帶領他行山和跑步，漸漸愛上運動養成習慣。

姜皓文（黑仔）日前獲得「香港健美金像獎」十大健美名人，他感到十分榮幸：「好開心自己喺健美同運動可以相提並論，愛上運動全靠發哥（周潤發），有一次開工見到發哥，問佢日後我可唔可以好似佢咁好身形，發哥話可以。」

黑仔攞獎感榮幸。

自從發哥開始帶領他行山和跑步，漸漸愛上運動養成習慣，堅持超過10年，他有一種體悟：「我覺得運動可以改變一個人嘅磁場，比較開心同正氣，我會繼續堅持去做運動。」
除了運動，黑仔還在太太監管下控制飲食：「直至到今時今日，屋企煮飯都係無油、無鹽、無糖，辛苦太太。除咗開工可能會食多少少嘢，屋企都喺以清淡為主。」

仲要感謝老婆監管他的飲食。

黑仔坦言明白健康十分重要：「我2歲開始有嚴重哮喘，自從跑步後，近8年冇噴過哮喘藥，我覺得已經戒咗，我會堅持跑步，跑到自己跑唔到為止。」
一向怕應付不到馬拉松比賽的他，一直不敢去嘗試，不過他最近開始計劃參加，希望靠自己力量去感染身邊的人。

挑戰自己備戰馬拉松。