薛家燕、曹永廉、麥美恩、黃子恆、朱智賢、馬貫東、江嘉敏、林漪娸、徐榮、李天縱、阮兒等，今日為無綫新劇《黃金萬両》進行拜神儀式，家燕姐表示已差不多五年無拍劇：「開工第一日已經後悔，原來真係咁熱，日日三十幾度，不過監製好好，已經將演員的戲服減少，但都係一出外景即出汁，其實今次肯拍，都因為想將歡樂帶俾觀眾，少少嘅心意，公司當初話想開套賀歲劇，大家睇得開心，由年三十晚播到初七。」她表示近日開工發現脂肪少了，「日日焗桑拿咁，都瘦咗兩、三磅，監製對我已好好，一日一組，拍完廠景就不用外景。」
她表示日日拍劇都會掛住孫仔，兩星期前孫仔終於叫嫲嫲，令她開心到暈，「兩個月前識叫嫲嫲，又會同我點手指，我就同佢講good boy，依家佢連見到家燕媽媽個曲奇盒都指住叫嫲嫲，好得意。」孫仔見靚女即笑，「依家一歲開始返學，原來佢同余安安嘅孫係同學，余安安都話佢好乖 ，成日會對佢笑，我話佢見到靚女就會笑，所以對住我都成日笑，因為我都係靚女。」
