最近黃妍（Cath）找了羅家英參與《一日妍究生》短片拍攝，叫家英哥導她粵劇基本功，教授Cath在粵劇上運氣、造手、眼神上的要點，她坦言「學到嘢」，說：「最學到係運氣，因為家英哥教我吸啖氣落到丹田底時，點樣再隊返個氣出嚟，我哋拍攝時有Test，用吹汽球測試係咪做到，點知我真係做到，唔用佢個方法，同用佢個方法就係吹唔吹到嘅分別，呢個係幾勁。」的而且確，Cath在現場用盡九牛二虎之力也未能吹大汽球，但家英哥教路後，她一下子就成功了，在場的工作人員也由取笑她變成為她歡呼。
除了運氣，家英哥又教導Cath粵劇造手，要她嘗試以歌曲《天光前》配合造手演唱一段，Cath試過以後，才發現粵劇有多高難度，她說：「我平日睇粵劇造手以為只需要放輕去做，但家英哥教路原來要用力，用到去手指尖，我真係唔知。」最後Cath未能成功完成任務，結果要被家英哥大懲罰，畫上粵劇丑角的妝容，變了花面貓。