TWINS剛完成頭三場紅館演唱會，昨日（24日）休息一天，今晚（25日）舉行第4場演唱會。一向與TWINS老友鬼鬼的容祖兒（Joey），在IG上載了與蔡卓妍（阿Sa）和鍾欣潼（阿嬌）穿上古裝為演唱會拍攝的花絮片，更搞鬼擺仙女Pose，好可愛！
祖兒說：「我呢兩位老友真係唔話得，忙住開show都不忘關照我，呢個咁重戲嘅角色，無論造型角色一睇就知道係為我度身訂造啦，真係唔話得！呢一套微電影為我再次踏入影圈打咗一支強心針！」
好友鄭希怡留言：「哈哈哈哈，仙女們」、阿Sa：「青山Open Day放心！我一定會記得幫你報奧斯卡！」霍汶希說：「祖兒呢個角色非你莫屬㗎啦，無人能及，因為需要大量的內心戲，眼神也要識做戲的，充滿靈氣令人敬仰！」
相片來源︰容祖兒@Instagram
