無綫節目《尋人記II》昨晚播出的第三集，主角是1993年接受《星期日檔案》訪問的「杯麵男孩」徐志文，來自單親家庭，因為父親酗酒等問題，每天放學後流連街頭至晚上十點才敢回家；慶幸得樓下的青少年託管中心，給他同伴及安樂茶飯。
志文現時在其成長地柴灣的一間麵檔工作，被攝製隊成功尋人，事隔近30年除了樣子不變，樂天性格同樣沒變。他說看回昔日的片才記得，就算重提父親，志文也只是選擇記着對方的好，說爸爸沒飲醉時就是一個好人。
志文坦言幸好小時候在託管中心遇上黃Sir，人生才沒有偏離正軌：「冇佢學壞咗㗎喇，佢係我半個爸爸。」志文難忘黃Sir與中心為自己慶生，是他童年最美好的回憶：「因為係第一次食蛋糕。」
攝製隊在託管中心幫忙下找到黃Sir，給志文驚喜，兩人一齊齊翻看昔日片段；志文全程笑笑口，繼續以四字真言「都係咁啦」總括以往所有不幸，反之黃Sir眼泛淚光、難掩傷心地說：「冇人照顧、自生自滅…可能佢已經習慣咗，但我哋第三者睇好似好坎坷咁…我覺得佢變壞其實好自然，但佢能夠自食其力冇學壞，我覺得好安慰。」為感激黃Sir過去的關懷及指導，志文更親自炮製「謝師雙蛋麵」答謝黃Sir。
志文的童年故事，感動了無數網民，很多網民都話睇到感動落淚，紛紛留言祝福；當然也讚歎黃Sir功不可沒。志文昨晚看畢節目後，笑言在被窩中邊看邊流了數滴眼淚，之後就落街買杯麵醫肚順道緬懷過去，途中獲不少街坊打氣兼打招呼，令他大感驚喜；還有不少小學同學傳信息表達關心：「佢哋話要食雙蛋麵，要我煮成廿幾碗，大件事了，哈哈。」
