巾幗4｜羅毓儀真．12歲童年照曝光　拍新劇激瘦怪邵美琪太好客

Yuki喊樣cute得嚟又夠楚楚可憐。

現年28歲的羅毓儀（Yuki）擁有一副童顏，在最近播出的台慶劇《巾幗梟雄之懸崖》（巾幗4）演未成年少女澄澄，之前被爆在內地拍攝該劇時，被內地工作人員誤以為她只有12歲，對她照顧有加及不斷讚她可愛。

+12

Yuki淚眼汪汪地向柴十七盡訴心中情。

Yuki與張曦雯（Kelly）、陳瀅（Jeanie）等人拍攝的新劇《臥底嬌娃》剛煞科，日前她在社交網大晒上周節目巡禮靚相時，被發現瘦了不少，對此Yuki坦言自開拍新劇後體重急跌五至七磅，她稱：「要企喺Kelly同Jeanie隔籬喎，好大壓力嘅，佢哋兩個又高又瘦，塊面仲要勁尖，我真係唔敢食嘢。」笑言自己擔心到幾乎要斷食的Yuki，又大爆邵美琪（Maggie）及關禮傑等前輩因太「好客」，令她更加難做：「但係Maggie姐同傑哥成日萬歲宵夜，然後Kelly同Jeanie都會萬歲，叫我情何以堪，係咪想引死我，所以我唔係成日忍到口！」另Yuki又應要求提供12、13歲時的童年照，照片所見，當時的Yuki樣子與現在幾乎沒有甚麼差別，只是當年沒有現在這麼有少女感。

Yuki應要求展示真‧12歲童年照。