本地

張嘉兒囡囡認真寫「心」字 你收貨嗎?

2007年港姐冠軍張嘉兒大女劉在芯(Leora)已經4歲,一進入適學年齡,已經要喺屋企練習寫字,今日足足寫咗20次「心」字,仲喺側邊畫埋公字。不過,媽媽似乎覺得囡囡仲有唔少進步空間,所以開Post問大家收唔收貨。

張嘉兒:「好奇問吓大家,呢個『心』字收貨嗎?如果唔收貨,又會點鼓勵小朋友,寫得更加好呢?」

網民睇到張嘉兒發問都好踴躍答佢,佢哋最主要嘅意見千祈唔好擦走囡囡寫嘅「心」字,因為咁做會令佢好有挫敗感,下次可以試下先喺佢面前寫一次,然後擦走,等囡囡可以跟字跡寫。另外,有網民建議佢同囡囡講解點解「心」字會咁寫,甚至用故事或圖畫形式,令佢更易記得「心」字嘅形,令佢知道心係生喺身體入面。

圖片來源:張嘉兒@Instagram

Share