在巴黎奧運男子花劍項目成功衛冕的張家朗與隊友何瑋桁今晨（2日）返港，有大批市民前往接機，家朗直言仍未消化比賽過程，回顧做得好或不足之處，為之後比賽努力。他提及在賽場上聽到往捧場的香港市民大叫加油，又見到區旗，感謝大家支持。家朗表示所有香港運動員都有努力爭取佳績，「有獎牌嘅運動員也好，沒有獎牌嘅運動員也好，其實都好值得我們去尊敬，因為他們都付出好大努力，為四年一屆的奧運會去爭取自己最好嘅成績。」
關於決賽當日裁判的決定引起意大利對手不滿，家朗認為裁判對基本規則各有理解，「可能有啲裁判會先睇腳，有啲會先睇手」，劍手會因應裁判習慣而調整戰術，「我覺得唔存在任何『黑哨』或者偏幫」。他寄望男子花劍團體賽在下屆奧運能更進一步，力爭出線機會，甚至創造一些成績。家朗對於劍擊港隊能夠連續兩屆奧運獲獎，認為全靠上一代或再上一代的運動員種出來的樹，由他們去收成，「唔止係我哋呢一代人嘅功勞，係每一代人努力去付出」。
日前傳媒相繼報道家朗有新戀情，與同齡法國劍手Solène Butruille相戀，他笑着回應：「新戀情……其實我覺得大家都睇到係啲咩，我都無咩可以講畀大家知。」至於大家關注張家朗的「脷苔」，他指是比賽時吸收不少能量飲品所致，「應該唔係好關（脷苔）事」。
張家朗在巴黎奧運晉級過程及奪金圖輯：
圖片來源：明報/曾憲宗、港協暨奧委會@facebook
