張家輝意大利首嘗啤梨雪糕 梁雍婷4日食咗12球Gelato

張家輝自爆鍾意食甜嘢。

梁朝偉在歐洲拍戲，順道與到來探班的老婆劉嘉玲到處觀光，被拍下買雪糕食流露童真一面的偉仔。為新作《贖夢》參展意大利烏甸尼遠東電影節競賽單元的張家輝，在當地閒逛時，也來個「no ice cream no life」。

家輝來到意大利把握機會觀光。

張家輝表示未食過啤梨雪糕，坦言甜嘢最鍾意食，邊吃邊點頭示意OK的他，行過戶外食肆時，突然有生意諗頭說：「即係我覺得呢度咁多意大利嘢食，有檔日本拉麵嘅話不得了啊！即係我喺度諗啫，因為我未來幾日都留喺度，日日都食意大利嘢，可能有一日，食檔拉麵都幾正。」

+8

齋行唔鍾意買手信。

梁雍婷（Rachel）亦與《白日之下》導演簡君晉等人踏足意大利出席遠東電影節，雖然行程緊密，Rachel亦有抽空以跑步的形式探索烏甸尼這個城市，以及和簡君晉、盧鎮業前往威尼斯觀光。Rachel笑言當地的海鷗不是「人咁笨」，因為已習慣了每天面對大量遊客，除索食外更會噴排泄物戲弄遊客，嚇得他們一行人在威尼斯每次遇見巨型的海鷗便連忙走避。另意大利亦是美食之都，四天的行程中Rachel就吃了12球Gelato，而當地的純素食物亦令她大快朵頤，在工作以外享受了一趟美食和美景之旅。

梁雍婷就把握機會喪食。