《張敬軒 X 香港中樂團盛樂》一連八場演唱會今晚（22日）於紅館開鑼，首位返回紅館歌手，雖然因應疫情要有社交矩離，但無損觀眾熱情，隔着口罩也清楚感受到大家的歡樂叫聲。
軒仔為了確保防疫措施做足， 親自化身為紅館工作人員，拍攝防疫措施安全指引片段，於演唱會開場前播放，讓觀眾清楚知道如何安全、快樂地欣賞演唱會。 片段中見軒仔穿上了紅色帶位職員紅館制服，戴着口罩親身示範觀眾如何按照座位編號入座，保持社交矩離，不能私下調位。觀眾於欣賞演唱會期間，不准飲食，連偷偷地飲水都唔可以，全程需要大家都罩不離口。
軒仔又提醒大家，為安全起見最好盡量少用紅館的公共設施，個騷會好精彩，如果唔急就不要去廁所，如果真係要去，去完記得洗手，邊洗手邊唱五次「成碟青瓜過大海」就時間剛剛好洗乾淨。再保險一點就請再用消毒酒精搓手液搓手先返回座位。
另外，軒仔又於片段中向歌迷及朋友表示，唔好浪費錢送花，亦不用擔心佢呢排冇啖好食，送美食上紅館給他，紅館前後台大部份位置都嚴禁飲食，餵飽佢重任交返比佢屋企個「遮遮」便可以。又為免人群聚集，軒仔細心通知歌迷，完場後不用於後台黃閘聚集等見他一面，為了抗疫，完騷後他會秒速返家「淨身消毒」，不會於黃閘位出來跟大家會面。