張智霖再夥拍古仔鎮宇　讚古天樂爛臉妝好精緻

Chilam讚古仔爛面妝外，也體會對方的辛苦。

邱禮濤電影《暗殺風暴》已定於本月18日在港上畫，張智霖（Chilam）在片中飾演一名智商極高但又經常心神恍惚查案的天才探員「羅飛」，與古天樂和吳鎮宇甚多對手戲，雖然三位男演員曾多次合作，但今次因為以推理懸案為故事軸心、以及人性正邪之間的衝突而火花四濺，Chilam說：「我同古仔鎮宇都有好多合作經驗，合作起嚟係好順暢，大家會百分百投入，亦都好尊重電影，我覺得出嚟嘅作品會好好。同埋我哋三位嘅合作次數，我相信應該會帶俾大家一種好睇嘅保證。」

Chilam話同古仔、鎮宇合作次數就是信心保證。

古天樂在片內其中一個造型是被爆炸波及、導致毀容而需化特效妝，效果非常破格，Chilam說古仔的爛臉妝做得頗精緻，亦很辛苦，因為化這個妝時間長。

Chilam是次角色對白甚多，但沒難倒他，反而最難的地方是角色狀態和眼神，因為他會經常幻想未婚妻（胡杏兒飾）在身邊，他形容：「究竟係望到佢？定望唔到佢？對話緊定係自言自語？呢啲都要諗得好清楚先可以演繹得比較精準。」

Chilam最難演繹幻想杏兒在身邊的狀態和眼神。