張曦雯要夜探海洋　「好像參觀別人屋企」

有「打機女神之稱」的張曦雯（Kelly）今次化身WWF活動大使，去到橋咀潛水，同教練探討海洋生態的變化，佢話今次潛水大開眼界，原來香港都可以睇到好多珊瑚及小丑魚，感受到大自然的美妙之處。她覺得每一次潛水就好像參觀別人屋企一樣，所以呼籲大家要互相尊重，千萬不要破壞別人的家園。

本身有潛水牌的她向來熱愛海洋，亦去過很好多地方潛水，印象最深刻當然是馬爾代夫，「第一次落海可以潛水就係去馬爾代夫，完全係另一個世界，可以看到好大隻海龜，因我本身好鍾意海龜，覺得佢地好得意，見到牠們就有一種很relax的感覺，望着牠們游水會好舒服及很開心。」她表示不久將來希望可以努力再考其他潛水牌，嘗試玩冰潛及夜潛，因為不同的溫度和時間，相信海裏又會是另一番美景象。