張正甫於8月11日因病離世,享年82歲,遺孀蕭芳芳今日在鄉村俱落部為亡夫舉行追思會,高貴黑衣打扮的芳芳姐,於追思會前會見傳媒,先向大家點頭致意,多謝大家今日到來,並謂:「今日我唔可以講太多嘢,一講就會崩潰。」
被問到張正甫可有遺願?強忍悲傷的芳芳姐說:「半年前佢同我講,佢有個非常快樂,非常有意義嘅一生,因為佢咁講,所以今日唔係一個太沉重,而係慶賀佢一生嘅聚會,相信佢依家喺天堂,回望人間,見到咁多人對佢嘅好,對佢嘅愛,佢一定會開懷。佢遺願…‥其實佢不拘小節,唔會話要點要點,只希望開心。」
對很多好友為追思會出力,芳芳姐說:「個個都好愛佢,所以我唔敢喊,要收拾心情,撐過今日,如果唔係就會崩潰,今日就做唔到嘢。」但最終她都忍不住落淚,並謂:「四位公主嚟我都唔敢見佢哋,張艾嘉又係,許鞍華又係,我會喊。」