張繼聰聲明不會出賣姜濤。
MIRROR成員呂爵安（Edan）在社交平台「出賣」ViuTV新劇《季前賽》眾演員瞓覺黑圖，張繼聰、邱士縉（Stanley）、梁業（肥仔）、郭嘉駿（193）個個瞓到口擘擘，雖然他已提醒大家「唔好諗住反擊」、「我仲未出絕招」、「我大把貨」，但作為前輩的張繼聰似乎未驚過，在其貼文下留言：「咁就得啦，我都有把相」。果然就在劇集昨晚煞科後的今日，阿聰貼上跟導演袁劍偉、Edan、姜濤、Stanley、肥仔和193等人舉酒大合照外，還貼了一張Edan的睡照，笑言「以德報怨」。
Edan瞓覺靚仔相。
阿聰感謝完台前幕後所有工作人員後，不忘反擊Edan，稱對方為「幼雀」，留言：「幼雀，你睇阿叔幾錫住你吖？影到你瞓着都咁靚仔，算係咁啦！以德報怨吖，咪叫成熟囉！不過你班兄弟就唔知會唔會啦，Stanley，我係你就唔忍佢啦，你果啲核彈級⋯⋯另外，姜，你做掌上壓嘅片，我係唔會公開嘅，放心」！Stanley收到前輩的召喚，即謂：「#一人一張呂爵安黑圖計劃，正式開始！」阿聰跟一眾網民一樣等睇好戲，留言給Stanley：「等睇你表演」。
《季前賽》昨晚煞科，大夥兒開香檳慶祝。
圖片來源：張繼聰、Edan＠instagram
