張繼聰在ViuTV劇集《季前賽》飾演籃球教練「喪波」，現實中也是籃球愛好者，是《903 AllStar籃球賽》常客，球技了得，或許因為時常在家中練波有功。
昨日（28日），他在IG分享影片，如常在家中練波，更表演入樽，相當帥氣，但當中便發生一段小插曲，他竟入樽失敗，籃球從籃框中彈出，誤中在旁拍攝的老婆謝安琪，令她慘叫一聲，阿聰亦非常緊張地回頭察看。他在帖文中留言自認「懶型」出事，「都係生活日常，嗰吓慘叫聲，直飛老婆面門，依次GGGGGGGG‥‥‥」
Kay即徵詢網友意見該如何處理，「相信大家係公平嘅，遇到咁嘅情況，你話應該點做？大家即管分享一下。」導演陳詠燊說：「我速遞咗一箱玻璃樽俾阿嫂你，阿嫂收到就單聲，等我安心啦。」網友亦紛紛留言獻計，「將最近想要嘅嘢全部列出，買唔到冇牀瞓」、「㓤爆粒波」、「請返佢食波餅」、「盡情蹂躪佢，要求佢做一樣平時唔鍾意做嘅嘢」、「罰跪keyboard」、「乜都唔做，好似冇事發生過咁‥‥‥最恐怖」、「叫對仔女砌張Lego牀孝敬吓爸爸先啦」、「梗係收埋晒啲二奶三奶四奶電單車啦」。網友的踴躍獻計，Kay一一細看，「睇晒啲留言分享，大家真係好錫張先生，多謝大家咁關心佢，我見咁開心仲親自沖咗杯咖啡俾佢飲，你哋send過嚟嗰啲玻璃樽收到晒啦，留喺度備用囉。」
