張繼聰同謝安琪婚後育有一子一女，張繼聰作為一位廿四孝爸爸，冇工作嘅時候當然會帶仔女出去玩，佢間中仲會喺IG晒家庭相，可見一家四口感情好好。
張繼聰
張繼聰前排忙住宣傳《媽媽的神奇小子》，之後又要開拍新戲，所以張繼聰趁中間空檔時間享受家庭樂。張繼聰噚日喺IG出post晒Staycation嘅相，留言指一家人「Staycation again」，佢話自己好快又要忙住拍攝電影，所以諗住喺開工之前將全部時間俾俾晒仔女，玩盡佢。
張繼聰
張繼聰仲話：「依啲回憶好珍貴，當開工開到冇電，或者發生唔如意嘅事時，一諗起同仔女嘅相處時光，就會即刻生猛番，為人父母，係咁簡單。」阿聰更興奮表示玩得好開心。
圖片來源：張繼聰、謝安琪＠Instagram
