息影逾廿年復出做主持 張沅薇蘇皓兒兩代女神相遇

九十年代兒童節目《閃電傳真機》女神張沅薇（Amy），去年在無綫節目亮相，引起觀眾迴響，息影逾二十載後，年初宣布復出進軍KOL界，繼在個人頻道推出「Amy廚房」分享下廚心得，最近又聯同可宜、鄭啟泰主持網上平台健康資訊節目《醫師Talk》，日前節目邀請了「宅男女神」蘇皓兒（Chloe）大談健康心得，兩代女神張沅薇與蘇皓兒首度碰頭惺惺相惜，當中張沅薇更笑言被對方魅力吸引，令她目不轉睛。

提到相隔逾二十年再次主持節目，張沅薇表示心情緊張，拍攝前一晚更緊張到失眠，她說：「每次有幕前工作，前一晚都會緊張到瞓唔着，跟住唔夠瞓就會生眼瘡，覺得自己要克服呢個問題，好彩今次兩位拍檔可宜同啟泰都係好有經驗嘅主持，可以提點我，始終對主持工作都有啲生疏。」為了做好主持工作，張沅薇自言將勤補拙，事前做足準備功夫，對她來說甚具挑戰性。

對於首次跟「宅男女神」之稱的蘇皓兒見面，張沅薇自言被對方魅力吸引，她說：「佢嚟我哋節目分享美容貼士，雖然佢年紀輕輕，但已經好識得養生、護膚，我覺得自己要好好向佢學習，佢真係好健康，而且又charm，我對眼未停過咁望住佢，因為佢短頭髮又眼大大，係我鍾意嗰類型，想當年自己經理人唔俾剪短髮。」