提到相隔逾二十年再次主持節目,張沅薇表示心情緊張,拍攝前一晚更緊張到失眠,她說:「每次有幕前工作,前一晚都會緊張到瞓唔着,跟住唔夠瞓就會生眼瘡,覺得自己要克服呢個問題,好彩今次兩位拍檔可宜同啟泰都係好有經驗嘅主持,可以提點我,始終對主持工作都有啲生疏。」為了做好主持工作,張沅薇自言將勤補拙,事前做足準備功夫,對她來說甚具挑戰性。
對於首次跟「宅男女神」之稱的蘇皓兒見面,張沅薇自言被對方魅力吸引,她說:「佢嚟我哋節目分享美容貼士,雖然佢年紀輕輕,但已經好識得養生、護膚,我覺得自己要好好向佢學習,佢真係好健康,而且又charm,我對眼未停過咁望住佢,因為佢短頭髮又眼大大,係我鍾意嗰類型,想當年自己經理人唔俾剪短髮。」