J2（82台）王牌節目《我要瞓鬥》今晚（2日）一集延續上周集體「搵鐘」任務，藝人同素人群體合作打破隔膜，亦毫無保留使出真功夫。論到表現最突出，要數到樣子甜美的瀅仴同拍檔劉倬昕（Samlau）。瀅仴連環破解三大IQ題，成為智力擔當。拍檔Samlau在數獨解題上，亦有出色表現。
瀅仴接受訪問時笑言可能跟看得多推理劇集同漫畫有關，《名偵探柯南》推理漫畫助力都不少。瀅仴自言星座為處女座，對細節警覺性較高︰「特別鍾意睇懸疑、要花腦力去估、去諗嘅戲。」瀅仴一組則視胡美貽（Nicole）同陳若思（Amber）為勁敵。
今趟Nicole不單展現腦力擔當，她跟6號化身金句王。當有「瞓鬥師」齋講不做時，6號即爆金句揶揄話「有講無做，動作指導」。Nicole用金句鼓勵自己話：「呢個世界無解唔好嘅嘢，只有解唔開嘅自己。」
經過多場遊戲任務，除表現出色的瀅仴同Nicole之外，奶仔同文叔最具黑馬本色。奶仔以體力取勝，文叔表現「慢活」冷靜，在危急關頭曾發揮起死回生作用。在今趟「搵鐘」最後階段，他冷靜作出指示成功逆轉勝。
明晚（3日）遊戲進行了16小時，經過小休同放飯，10組「瞓鬥師」再次踏上征途，進行「接棒」同「我好眼瞓」兩項對決。涉及罰Coins各人打醒精神，經過短暫和諧，素人同藝人再現互篤情況再。文叔投訴素人安仔犯規，最終要靠「VAR」睇重播證明清白。