今晚（4日）播出的《我要瞓鬥》，遊戲已進行了19小時，將進行3個考眼力遊戲。面對10萬獎金獎品，藝人同素人奇招盡出，其中胡美貽（Nicole）因而贏得「人肉推土機」稱號，素人安仔話︰「我已經壓住條線，佢仲可以喺我前面通過，好似『推土機』一樣。」其實各隊都扭盡六壬，食身位鬥快、拉衫兼而有之，錄影廠變成足球場。
Nicole接受大會訪問時否認「出茅招」，她傻大姐上身話︰「我唔承認亦唔會平反，我只係做返自己。我對眼去到邊，嗰身體就會跟到邊，所以唔知前邊有冇人、左邊右邊有冇繩，因為我好focus。」
另外，大會一直安排醫護人員在場，今晚就差點要出動。事緣文叔玩遊戲時不停手震，情況令人擔心。方紹聰（奶仔）事後講起都驚，「文叔係勁手震，差啲要停機搵醫護人員，文叔係出晒汗，驚佢係咪太耐無瞓覺，身體出狀況。」文叔解釋是太緊張所致，令大家虛驚一場。
明晚（5日）一集率先預告將有一強隊被強制淘汰。明晚賽制為金鉸剪爭奪戰，各組隊員分開競技，一邊鬥「速度」、另一邊鬥「捱眼瞓」。重點落在爭奪唯一一把金鉸剪，能操生殺大權，任意「剪走」一隊。其實各隊在討論時，大都有同一假想敵！