戴祖儀今日（10日）為新城MBO TV拍攝節目《開心大派對》，挑戰做空中瑜伽，其中一個倒吊動作，令她面容扭曲相當搞笑，「其實我頂得順，只係擔心樣衰！真係第一次玩，因為自己筋比較硬，但細個有玩過藝術體操，因為唔合格所以就無再玩，之後就報復式唔拉筋，但今次要喺一個月內將啲筋拉鬆，因為下個月開劇，角色會有動作打鬥，所以唔可以hea，現在都有上演員動作班，但拉筋真係好辛苦，擰到頸又痛，但希望可以練到踢腿好直，𠵱家每日拉筋半小時，買咗一啲拉筋神器，自己喺屋企睇片練。」問到會否擔心操練到胸縮水，「隨緣喇，但我唔係減肥，主要練肌肉，我都明白會有所失，有肌肉都要有所捨棄。」
更多現場圖輯：
