由江美儀主持十集新節目《一個香港．十種玩法 過節篇》、今日節目中的嘉賓 邵初、黃美琪、鄺潔楹、冼靖峰、潘靜文、羅毓儀、陳浚霆、王嘉慧、丁子朗、 江嘉敏及吳子冲等出席撐場，江美儀表示因為女嘉賓的年紀細，拉低年齡層，令她後生返晒，「今次共十集，嘉賓我精心挑選，大家都曾經合作過，主要都想話俾觀眾知留港消費都好好，因為好多地方原來都未去過，好似今朝同丁子朗及江嘉敏去拍室內攀石，原來香港都有廿四小時攀石，做呢個節目先知，最重要係嘉賓嘅年紀將我拉低好多，呢樣最開心。」
近年甚少拍劇的她表示一直等待好角色的出現，強調並非無戲演，因為早前拍攝了兩套電影，同樣令她過足戲癮，「等待好劇本，或者劇本等緊我，只不過未有劇開。你問我有無戲癮又點會冇，但做綜藝就舒服少少，可以短時間就完成，但今次比較趕，每日拍12小時，但工作情緒上會比較好，唔使捱更抵夜。」
