梁靖琪（Toby）近年積極進軍飲食界，繼中秋節推出減甜月餅後，農曆新年再有新搞作，推出特色賀年糕點，今次她突破傳統，研發了麻辣口味蘿蔔糕，她說：「今次出麻辣蘿蔔糕係因為我同老公都好鍾意食辣！應該話我全家都好鍾意，特別係媽咪屋企人嗰邊，閒時可以食晒成隻辣椒！以前我媽咪最食得辣，而家應該係輪到我喇！」不過為了符合大眾口味，Toby今次落足心機試味，「我可以食得好辣，但我老公又不能吃太辣，所以辣度上都問過唔少朋友意見，到底要多落兩滴還是少落一匙，所以一直在家試了很久。」自細出入街肯，鑽研廚藝，「由細到大都好鍾意煮嘢食，以前讀中學時，爸爸已俾錢我去街市買餸，然後返屋企煮飯俾佢哋食，所以算是自細訓練出來，亦是我的興趣，廚房令我有種放鬆的感覺，而且現在已為人母，想小朋友食得健康，更加多時間煮食。」
