李璨琛女兒李元元肥嘟嘟，出名為食，媽媽梁志瑩時常在元元的IG上載短片大曬其可愛食相，今日又發布新片，李璨琛在食碗仔翅，元元睇到流口水，媽媽在鏡頭外教她對着爸爸撒嬌說「please」，並加上合十手勢，元元亦跟足提示，李璨琛就一啖接一啖放入口，又對元元說：「唔好咁為食得唔得啊？」但眼見女兒對碗仔翅目不轉睛，流晒口水的樣子，而且什麼都願意做，唯有一邊忍笑一邊餵她一口，得逞後，元元樣子得戚，媽媽形容她「食到跟住dun下dun下」。元元食完後覺得未夠喉，李璨琛說：「又嚟！Last one啦好無啊？」元元說：「一啖！」並再次使用冧功伸長手臂合十說「please」，李璨琛抵受不了，只好再餵一口。粉絲笑指元元食得是福：「識keep一定係keep fat囉。」又有人讚她乖女：「雖然為食吞晒口水！但係聽話，話last one佢就走開。」有人更被她的食相吸引，胃口大開：「搞到我都想食。」
圖片來源：李元元＠Instagram