香港今日（3月1日）開始全面撤銷「口罩令」，首天市面上雖然除罩市民只屬少數，但洪永城（Tony）昨晚已急不及待在社交網貼上一個口罩相，及兩張沒戴口罩的照片，留言：「多謝你保護我哋咁耐，係時候光榮退役。」仲俏皮謂：「拜拜你條尾」、「不再見」。蕭正楠在其帖文搞笑留言：「戴口罩靚仔啲！」Tony亦「回敬」阿蕭：「你戴口罩唱歌都好聽啲。」
郭子豪、何廣沛和方紹聰則拍片舉行剪罩儀式，甫踏入零時上載上網，留言：「踏入咗3月1號，我哋終於有新嘅開始。」有網民和應：「有咩開心過除口罩」、「值得慶祝」，但亦有謂：「一啲不好笑，低智行為」、「唔需要咁樣做」。
