受Omicron疫情影響，政府今日（05/01）宣布收緊多項防疫措施，部分處所於1月7日凌晨零時起需關閉14天，張敬軒正在舉行的18場紅館演唱會亦受到影響，於新措施公布未幾，隨即發出公告，宣布1月6日至1月10日及1月13日至15日共8場演唱會延期，已購票觀眾再留意英皇娛樂官方網站、facebook及Instagram平台，相關後續安排將盡快於兩星期內公布。
軒仔在社交網轉發個唱延期消息，並表示：「多謝各位朋友、歌迷同我嘅整個製作團隊嘅支持，面對目前嘅疫情，我哋必需以大家嘅健康及公眾防疫安全為Priority。喺目前嘅情況之下，我哋作出咗相關嘅安排。再次多謝大家對我嘅支持同鼓勵，我已經萬分滿足！希望疫情盡快散去，我相信我哋好快會再見面！」
