19年港姐冠軍黃嘉雯（Carmaney）領養的松鼠狗Doxy已經6歲，活潑可愛，每年新年Carmaney都會幫愛犬悉心打扮拜年，「每年新年，我都會幫佢買新衫過新年，因為我去年開咗一間寵物一站式服務，所以會幫佢沖涼浸spa同修剪毛髮，扮得好靚咁帶佢四出拜年！朋友都會俾利市佢，而且上年我都有煮一些寵物新年鮮食餐俾Doxy食，仲有在網上分享給大家去參考。」愛錫狗狗Carmaney亦關心社會，早前更身體力行，帶埋狗狗一齊參加慈善跑活動，她表示十分有意義。蛇年將至，她當然希望愛犬身體健康，「我很喜歡狗，但覺得養寵物責任比較重大，所以養寵物前，我已經報讀了半年的寵物美容師課程，令自己多接觸這方面的知識，再經過深思熟慮才決定領養狗狗，而松鼠狗Doxy自此就成為家中一分子。」
原來當初領養時，Doxy十分怕人，Carmaney亦花了長時間才將牠成功融化，現在Doxy已經相當活潑及愛黐主人，與初相見時是兩回事，Carmaney說：「第一次見牠，牠很驚青，不喜歡我，見到我就匿埋、狂吠，返到屋企初期，只坐在門口角落，一直都不肯入屋，我用了兩、三星期先融化到佢；之後再帶牠多出街，慢慢開始無咁驚人及驚狗，性格開始改變了，變得好活潑。」
回想最初照顧Doxy時，最令Carmaney頭痛的是，愛犬有分離焦慮症，每當她離開屋企，Doxy就會狂吠至她回家，「需要慢慢讓牠知道，我是會回家的，由互相分開5分鐘，慢慢加到半個鐘、一個鐘，甚至到現在，牠獨留家中都不用怕了！」物似主人形，與Doxy相處日久，愈來愈有母女相，Carmaney說：「狗仔好少有眉毛，佢條眉好似我，又眼大大，好多人都話有母女相！」
