麥玲玲去年贈送了富貴竹給薛家燕，家燕姐整年都很旺兼順順利利、平平安安，所以今年家燕姐想保持有旺氣，再請玲玲師傅為她選富貴竹。早前，家燕姐同玲玲師傅到花墟拍攝《新春開運王》外景時，家燕姐順道買富貴竹看門口，玲玲師傅帶她去相熟花店，揀選又長又翠綠的富貴竹，玲玲師傅還教大家選富貴竹的小貼士，「揀富貴竹最緊要睇有冇根，有根先靚，擺成年都可以。」家燕姐與兩位主持周志康和宋宛穎及麥玲玲師傅到花墟拍外景，玲玲師傅指，不同的花、不同的盆栽、不同的植物，放在不的地方，對運勢都有幫助。
家燕姐說：「本來係想玲玲師傅帶我去花店買富貴竹，上年佢送咗啲富貴竹俾我，擺咗成年都好靚，所以今次想玲玲師傅幫我揀，我可以擺喺屋企同公司，點知玲玲師傅好客氣，又送富貴竹俾我，我就送咗盆蘭花俾佢，點知臨走時，花店個老闆又送咗一盆蘭花俾我，一盆俾玲玲師傅。」
家燕姐除了買富貴竹外，亦買了一大串五代同堂，玲玲師傅亦提醒家燕姐：「五代同堂要擺放高處，可以放喺門邊附近，Mani嗰時買咗，抬一支返屋企就添咗丁……我每次同家燕姐拍嘢都好開心，佢帶咗好多歡樂俾我哋。」