泳兒推出新歌《十八步半》，點解有這個歌名？因為她自出道以來，已經出了十八張專輯，今次再出歌，行多半步，而且「半」是不可測、是還有、是更多。而歌曲的「精神分裂」概念也源自她，她說：「我覺得做咗咁多年人，好多時候大家都會講：『一定要做番自己。』但當你不停咁成長、有唔同嘅經驗之後，你會發現你內在唔係淨係得一個自己。有時我哋可能會講：『你唔好改變自己嘅初衷呀！你一定要忠於自己。』但呢樣嘢係咪每個人都可以做得到呢？」
她認為精神分裂其實是每個人的縮影，無論面對家人、朋友、同事等，都不會以同一方式對待，「面對唔同嘅環境、待人處事嘅時候，我哋都會分裂出好多唔同嘅自己，先至可以成為一個更好嘅自己。」
泳兒在MV中有四個角色、五個造型，包括：殺手、被追殺者、破壞者及建構着烏托邦的天使者去呈現故事，Vincy這可說是她入行以嚟，轉最多造型的一個MV，「MV入面我係飾演一個精神分裂者，咁多個造型入面，我自己最鍾意殺手造型，因為我一直都好想做一啲類似殺手或者變態嘅角色，終於可以過吓戲癮。」除此之外，這次新歌亦加插了不少舞蹈，對於有「跳舞困難症」的泳兒來說，亦是一大挑戰，「所以我花咗好多extra嘅時間同埋心血去跳，加上今次擺咗好多自己意見喺跳舞嘅style，仲有同排舞師好緊密咁合作，去create呢一隻我自己想要跳嘅舞種。」
