李幸倪（Gin）加盟英皇娛樂後，推出第一首作品《Dum Dum》MV上架四日，便突破一百萬點擊率，成績驕人！Gin早前亦於社交平台宣布，MV到達一百萬views便會舉行網上音樂會答謝樂迷。昨晚（27日），Gin便舉行《Gin Lee New Beginning Music Live 2023 》找數，約一小時的音樂會共唱了九首歌曲，讓粉絲大飽耳福分。
這次音樂會選址學校圖書館，原來是Gin的主意，「喺構思呢個答謝大家嘅音樂會時，我好希望搵一個同以往唔同、又或者所有歌迷印象中會做音樂會嘅場地，既然大部分一人成長嘅地方都喺學校，就提議可唔可以搵到一個好靚嘅圖書館呢？所以今次音樂會特別揀選咗一間學校裏面嘅圖書館。」音樂會一甫開始，Gin便以方大同的《愛愛愛》、陶喆的《普通朋友》及Justin Bieber的《Yummy》打開序幕，並表示：「今日揀咗一啲同我成長過程好有關係嘅歌，頭兩首歌係方大同同陶喆，我細個返學嘅時候係非常之喜歡佢哋嘅歌，亦都係我好好嘅學習對象。」Gin已有一段時間沒跟大家見面，十分掛念一眾粉絲，休息後決定重新出發，決定一定要舉行網上音樂會，跟大家互動一番。在音樂會上又特設問答環節，讓大家了解一下她的近況。
粉絲都對鏡頭後Gin的日常生活十分感興趣，例如問到如何跟她的貓咪「杏仁糊」相處，又問到最近煲開什麼劇，Gin透露家姊推介《Wednesday》，於是她便一口氣看完整部劇集。隨後便唱出最近大熱劇集《First Love》的同名主題曲及自己初出道時歌曲《今天終於一個回家》。
Gin被問會否舉行大型演唱會時，她表示計劃當中，亦提到除了音樂，亦對演戲感興趣，不過首先要做好音樂，「因為我實在有太多嘢喺音樂上想同大家分享。」提到電影，Gin笑言從小就喜歡看動作電影，還想過當武打明星。
Gin透露MV若突破二百萬views會派福利，「咁大家就要再睇多啲我嘅MV啦，到二百萬時，我就會再公佈有乜嘢彩蛋俾大家。」
最後一條問題，粉絲問到以一句說話對一年後的自己說，Gin說：「我希望一年後嘅我更靚、更勇敢，少啲顧慮、少啲fear，做自己多啲！可以再開心啲，同埋健康。睇番一年前嘅自己就會覺得，good job！呢一年做得好！我希望一年後嘅自己係會feel proud of myself。」最後，Gin特別以重新編曲的《Dum Dum》，為音樂會畫上完尾句號。