龔慈恩以往在劇集中多擔任柔弱及慈祥角色,今次在《新聞女王》「一反常態」飾演經常話中有話、看似老謀深算的方太。昨晚(30日)播出的一集,方太與Man姐(佘詩曼飾)的「政治麻雀」在內地播出時已引發熱話。
另外二人的「眼神比併」,即使沒有對白,也能看出兩人的情緒轉換,阿佘對着飛爺(鄧智堅飾)和方太笑容明顯有分別;龔姐亦將嘉許、怪責及試探等不同眼神演出層次,超強氣勢獲封為劇集真正「操盤手」,網民更大讚龔姐「又靚又好戲」。
對此龔姐受訪時坦言好玩,大讚角色夠人性化,並笑言自己也有被方太的「話中話」考起:「劇本好,方太好多時喺key point位出現,會令到形勢逆轉,同埋佢好多時講嘢,未必係表面嗰個說話嘅意思。我都試過有場戲,我第一次睇劇本嘅感覺,同我睇晒前後故事之後,先知道完全唔係嗰回事。」
據知下周龔姐精采演出將會升級,SNK News於下周第12集開始將陷入重大危機,方太更要殺回公司控制大局,期間因飛爺的無能發火爆seed,場口精采。龔姐亦笑言劇中最大「遭殃者」是飾演「勝利球迷」的飛爺:「劇入面我對大部分人都保持儀態,只係對飛爺惡出面,呢啲就係愈係自己人,愈睇到自己最真實一面嘅寫照,我對飛爺係真係惡!」