盧冠廷（LoLo）與麥浚龍（Juno）屬於不同年代的音樂人，最近合作推出合唱歌《旋律．故事》，感覺相逢恨晚，LoLo雖然是前輩，卻感到很大壓力，他說：「今次同Juno合作好大心理壓力，佢係一個好嚴謹嘅人，從佢電影作品就知道，而我一向都唔衰得，作品入面每個細節都要做到最好！」LoLo最初給Juno兩首歌選擇，一首是旋律優美的Ballad，另一首就是大家聽到的《旋律．故事》，最後Juno選擇帶有Mafia Movie（黑幫電影）感覺的《旋律．故事》，「正因呢首歌好重電影感，我做編曲都落足心機！」
Juno一直很欣賞LoLo與唐書琛（Susan）的創作，又形容Susan是藝術家，他說：「兩個好熟悉影像嘅人，能夠搵到音樂上嘅共通點去促成合作，LoLo嘅創作充滿個人魅力，能夠將我地的想法融為一體喺歌詞中表達出嚟，Susan有好大功勞。」他們的合作，始於去年LoLo致電邀請合作，他二話不說便答應了，Juno說：「以往同LoLo喺電影上合作過，亦有一齊拍攝訪談節目，彼此之間逐漸建立起默契，而且大家對畫面嘅觸覺都好敏銳，能夠透過形容畫面去交流令我感受好深。好感激LoLo與Susan俾呢個機會我參與今次合作，進入佢哋嘅音樂世界。」
Juno又形容能夠現場感受LoLo錄音過程是自己的福利，他說：「呢樣嘢係聽眾享受唔到嘅，錄音室係一個空間讓大家去尋覓，我非常享受。」他續說：「入錄音室一啲都唔大壓力，而我最享受係入錄音室前幾晚，不停loop住聽demo，睇住Susan嘅歌詞；再見住歌曲由rough mix，再做mixing、mastering，呢個過程係非常私人，但亦係我最享受嘅時間。」