林子博的太太董燕君（Shirley）於去年因極罕有癌症「平滑肌肉瘤（腹腔）」惡化，10月不敵癌魔離世。痛失愛妻後，子博從此要父兼母職，照顧一對仔女詠渝和卓楠，亦因為有他們的陪伴逐漸走出陰霾。昨日（17日）是細仔卓楠的12歲生日，他表示囝囝是個十分懂事的小朋友，「卓楠自小開始，我已經發現佢係一個好特別嘅小朋友，還記得個仔喺3個月大發脾氣時，氹完佢之後，竟然會突然捉住我隻手摸佢自己塊面，表示原諒我！從嗰次開始，我就知道個仔即使未識講嘢，就已經懂得表達自己嘅情感。」
子博又指囝囝的舉動常常讓他十分感動，「因其實我每次出街，佢都會叫我小心揸車，小心過馬路之外，有時返屋企喺廳瞓着時，卓楠都會幫我冚被，係每一次！卓楠由細到大，就係一個咁嘅小朋友，作為爸爸嘅我，呢個仔嘅舉動，的確經常都會令我好感動、好溫暖！肥仔楠，爹哋祝你生日快樂之外，亦希望你永遠都可以Keep住呢一份，令人感受到充滿愛與關懷嘅純真！」
子博又分享囝囝的對他說的話：
子博又分享囝囝的對他說的話：
卓楠唔同階段…….
3歲：你錫家姐多啲嘅！
6歲：爹哋～對唔住！我累到你畀媽咪鬧！
8歲：你膊頭好實呀！我幫你揼骨吖！
10歲：爹哋，你唔使再俾零用錢我，留返啲錢俾媽咪買藥食。
11歲：爹哋，我聞到你有飲酒，你係咪唔開心呀？
爹哋，你瞓唔著呀？我今晚陪你瞓吖……
圖片來源：林子博-我們這一家@Facebook
