早前派台的新歌《Me And The Moon》充滿節日中單身寂寞感,Jay Fung說:「今次新碟主題係『LOVE』同『LOSS』,即係『愛』與『失去』,點解會有呢個主題?2021年嘅時候,我感到屋企人、朋友,fans都俾咗好多愛我,開始造新碟時寫好嘅歌關於『愛』,旋律比較輕快和開心,所以就創作了甜蜜情歌《報復式浪漫》」,之後Jay Fung的創作亦隨住經歷和感受,「大約今年三月時感到好忙,好多事情發生,無得放假,寫咗一首《Freakin』 Nightmare》。七月舉行咗我首個個人演唱會,好可惜嫲嫲嚟唔到,我寫咗首歌《給缺席的人唱首歌》送俾嫲嫲;今次專輯除咗愛情歌,仲有啲歌寫失去和遺憾,紀錄我嘅成長階段,影嘅相亦都比較成熟。」
為配合拍攝概念,Jay Fung承認情緒低落了大半天,拍攝期間還眼紅紅。他說:「LOSS部分,設計師和攝影師想用傷和痛去表達,除咗以紋身和傷疤化妝加強感覺,仲影咗好多感覺好沉重嘅相,拍完成個人情緒down咗好耐!不過呢次經歷好特別,有少少辛苦,但出嚟啲相我好滿意,同平時嘅我好唔同,俾大家見到我另一面。」