曾江女兒曾慕雪接受香港電台第一台《舊日的足跡》訪問，細訴爸爸的生活點滴。
曾江上月底在隔離酒店猝逝，曾慕雪至今仍未能接受，但因為仍有許多事情要處理，才暫時穩定情緒面對，她表示現在最想跟爸爸說：「爹哋我哋ok！我哋會好好前行，所以爹哋你都可以move on！」她認為爸爸這一生很圓滿，做到很多事情讓大家記得他，「外界俾到好多愛同祝福我哋一家人，心好暖。爹哋好叻，好似依然仲照顧住我地咁。焦姣auntie係一個堅強嘅人，不過所有正常嘅感情都會唔捨得，一時ok，一時想起又會好掛住。」她又指爸爸給其很大的力量，她要告訴自己現階段不應該留於好傷感或什麼也不做的狀態，因為這並非爸爸想看到的，「如果係佢，佢會收拾心情繼續向前行，享受每一刻！」
曾慕雪覺得爸爸是一個好開心、隨心的人，不久之前跟她們提到這一生過得很爽，但這幾個月過得很悶，希望出外旅行；曾慕雪沒有因疫情關係阻撓，因為知道很難說服他，「我支持佢嘅方法就係令事情安排順利啲。我好尊重佢，因為無人知道下一步會發生咩事，所以唔可以調返轉頭指有乜嘢出錯……大家都見佢喺新加坡、馬來西亞食得玩得幾咁開心，相信呢啲就係佢最想要嘅。」
曾江於生前亦向曾慕雪提過身後事，曾慕雪說：「佢一路都話，簡單啲，唔好搞咁多嘢！佢細個嘅時候係天主教，但唔係十分虔誠嗰種。喪禮用咩形式仲未決定，有啲手續仍然處理緊，會低調，未必咁公開，暫時未有具體資料可以分享。」曾慕雪表示如果要送一件物品留在爸爸身邊，會選擇畫紙和畫筆，因為爸爸喜歡畫畫，而且畫得很好。「我好幸運曾江係我爸爸，佢對輝uncle（繼父阮兆輝）應該冇呷醋。我相信佢知道一個無血緣嘅人係幾咁錫我，佢會好安樂。媽咪（鄧拱璧）都好好，我哋全家人繼續專心工作，因為世界要繼續向前。大家都有好多同爹哋嘅回憶，令我哋永遠掛住佢。」
