ω
《2024香港小姐競選決賽》最終由2號「城大李嘉欣」倪樂琳大熱奪得冠軍，亞軍是11號梁嘉莹，而14號楊梓瑤則奪季軍。
奪冠的倪樂琳直言宣布賽果時心情非常緊張，獲獎返回後台接受傳媒訪問時，她說此刻心情平伏了，「真係好感觸，睇到外景片都忍唔住喊，一直覺得以為自己無壓力，但由噚晚開始就感受到壓力，返屋企時喺車到都忍唔住喊，但好彩無瞓唔着，因為真係好攰。(今晚最滿意環節？）泳衣問題環節，其中要我用tvb劇去形容颱風，我靈機一觸就諗到《愛·回家》，因為愛回家同打風好似。」她表示奪冠後就想見家人，因為最近這大半個月以來，為了綵排要早出晚歸，「媽咪試過為咗見我一面，凌晨三點起身陪我傾偈，多謝媽咪，我真係做到喇，佢哋一直無俾壓力我，覺得入到5強已好叻女。」
11號梁嘉莹除奪得亞軍外，更奪得「最上鏡小姐」，成為雙料亞軍，至於季軍得主14號楊梓瑤，更分別奪得「智囊百選女神大獎」及「才藝女神大獎」，兩人同樣對才藝表演環節最滿意。
