薛凱琪（Fiona）現身《有個閨密叫祖藍》，她跟王祖藍認識18年，被對方大爆是喊包、十次見面喊足七次，又自言未夠資格做對方閨密：「佢要傾通宵電話，但我係捱唔到眼瞓。」
甚少主動提感情事的Fiona，節目中大方談及當年拍攝電影《人間喜劇》時情緒病爆發事件，面對祖藍追問因由亦毫不忌諱直指與感情有關，「一來係爹哋媽咪分開，但我依家會形容（唔開心）係我自己俾自己，依家會怪自己嗰時點解怪責屋企；另外咁啱嗰一年嘅愛情令我病情惡化。」
Fiona自揭以前皮膚黑、四眼又箍牙，所以中學全沒追求者，到大學才有初戀，至今拍拖次數「十隻手指數得晒」。入行十多年，Fiona坦言為面對輿論壓力，每次被問及戀情，都堅拒承認拍拖。她又自言偶爾有祈求上天賜她一個B，「有時我同上天講嘢時會掩住個肚，我會話你覺得係時候嘅話，就要俾我喇！」
