無綫劇集《有種好男人》將於26日播出，演員陣容包括馬德鐘、李佳芯、吳偉豪、陳自瑤、徐榮、曹永廉、趙希洛、楊卓娜、胡諾言及張國強等。
繼2020年《殺手》的貪錢單親媽媽、2018年《BB來了》的新手港女媽媽及2017年《與諜同謀》的女強人媽媽後，李佳芯（Ali）將於新劇《有種好男人》第四度挑戰人母角色，並跟「馬神」馬德鐘於2018年《跳躍生命線》後再續情緣。憑《BB來了》首膺視后的Ali今次一再突破框架，飾演一名育有17歲兒子的「女神級」單親媽游子澄Charlie，劇中她與兒子苗成林Woody（吳偉豪Ricco飾）感情深厚，相處感覺猶如「前世情人」，Woody不但口甜舌滑，更Sweet爆暱稱媽咪為「游游」，惟兩母子的背景卻撲朔迷離……
對於首次演繹17歲兒子之母，Ali受訪稱困難在於要幻想養育了一個兒子17年的感覺：「對我嚟講呢件係好遙遠嘅事，初頭係需要啲時間去攞呢種感覺，同埋唔可以好似之前咁同啲小朋友一齊嘻嘻哈哈，要用另一種相處方式。」幸她與Ricco一拍即合，戲外戲內均似姊弟般相處的兩人也慢慢拍出默契，Ali還大讚對方投入認真。提到劇中造型充滿「仙氣」、在職場上也很有自己一套，問將來可恨做個內外兼備的職場媽媽？Ali說：「相信每個人喺唔同階段都希望Keep到最有光芒，我自己係一個停唔到落嚟嘅人，就算將來有家庭、生小朋友，我唔一定係工作，但一定會做自己想做嘅嘢。」並盼於演戲以外作多方面發展，她續道：「可以同時兼顧到幾樣嘢，咁個人先充實同圓滿少少。」
現年24歲的Ricco今次扮演17歲學生，他笑稱最大挑戰是「外貌太成熟」，惟有靠服裝及髮型搭救。有別劇集《回歸》中的西裝眼鏡行政總裁Look，是次Ricco換上Casual衛衣、配戴耳環及以一頭攣毛示人，笑問可有信心憑「弟弟Look」再勁吸姐姐粉，Ricco笑道：「我Prefer《回歸》造型多啲，因為今次個攣毛係夾髮片同搽Mousse整出嚟，個髮片夾喺頭殼頂好辛苦，我驚會令髮線後移。」談到跟Ali拍攝的第一場戲便要喊，當時只拍過《愛．回家之開心速遞》的Ricco坦言既緊張又大壓力，幸有Ali照顧愈拍愈開心：「見Ali同劇組相處融洽、好傾得埋，我都畀佢感染到，令我情緒Calm啲、可以演好場戲。」