李克勤果然人如其名，非常勤力，十號風球下，依然工作。
今早他於 IG 上面寫 : 老婆仔仔都問，點解十號都要開工，克勤話其實佢都想休息，但係冇辦法，因為綵排時間密密麻麻，下午排舞，晚上排歌，跟住第日又
要飛商演，只可以係十號風球下錄左隻新歌「龍鬚糖」。十號風球出去錄歌，克勤話都遇上驚險事，「架車去到中環，唔知邊度有個窗飛左落街，好彩冇中我地架車，一地玻璃碎，架車都吹到左搖右擺咁。」
早前佢同黃偉文及老婆盧淑儀就一齊去左東京，為演唱會搞衫，全程都係黃偉文話去邊就去邊，自己只係負責企係到唔好出聲，同試身。第一次有這樣的經驗，都幾好玩，覺得幾輕鬆自在，由其試身個陣日藉服務員話 : 「nice body」 時，就更加感到有d輕飄飄感覺。問克勤覺唔覺得自己真係操左個nice body 出來，克勤就話，「自問都幾 nice 架，不過黃偉文話鎖骨以下都唔會露，咁操個nice body 都唔係為露o既，為自己體力好d ，身體健康, 可以做好個演唱會。」
今次演唱會，克勤還會推出 限量郵票，t-shirt 及 環保袋等紀念品，T唔單止係大人有，小朋友都有，可以變親子裝，克勤話: 「係呀，次次開演唱會，件衫大細老闆都想有件一樣，今次公司做左親子裝，咁我有佢地又有一齊著，我估佢地會好開心。」
圖片來源：互聯網
影片來源：英皇娛樂
