李幸倪（Gin）日前與粉絲提早舉行聖誕party，以答謝他們多年來支持，當晚除了聖誕大餐，更有交換禮物環節。除此之外，Gin更為粉絲準備驚喜，向每位送上一件由她親自設計的官方歌迷會衛衣。 當晚Gin的父母、家姊及姊夫都有到場。Gin一到場即答謝粉絲，「好多謝你哋，你哋都應該知道christmas係我最鍾意嘅節日，好開心可以同你哋一齊提早慶祝，亦都好想多謝你哋今年特別付出好多，又投票啦、又支持我每首歌啦、MV啦，係好抵錫嘅呢班粉絲，我係睇到嘅，所以好appreciate（欣賞）你哋，希望你哋今日食得開心。」
自從來港發展後，Gin已多年沒有跟家人過節，所以當晚她特別開心，「好開心，自己好多年都冇同屋企人過聖誕，今次可以同屋企人同埋粉絲一齊慶祝，覺得好溫馨、好圓滿，唔再感到孤單。」
大合照時間，Gin向每位歌迷送上她親自設計的歌迷會衛衣，全場立即起哄，她表示近三個月正積極籌備自己的fans club，很多事情都親力親為，「用咗好多精力時間去做一個平台，係一個app，叫做『GLFC』，用咗好多時間同開發公司商討。除咗一啲IT嘅嘢，好多嘢都係自己design，例如會tee，上面印住嘅『GIN1US』都係自己設計、所有merchandise（商品）等，用咗好多心力去做，希望大家可以感受到我份誠意。」
