李璨琛（Sam）老婆梁志瑩（Sophia）今日在ig分享了大女Lucy抱住妹妹Sucy坐在一個有轆的箱子裏，由爸爸推着在家遊走的片段。家姊仔Lucy好淡定，仲攬實只得4個月大的Sucy，Sam亦推得好穩陣，但妹妹表情勁驚青，好搞笑。
3日沒出Po的Sophia留言：「唔好意思消失咗幾日我哋喺屋企其實玩得好開心，係呀（阿)妹始終未係好熟悉李家屋企嘅氛圍，表現有啲驚姐（啫） #全程用隻手指尾鉗住條鐵黎（嚟）定驚。」網民見到Sucy驚呆樣都爆笑，連蔣家旻都留言笑指妹妹：「驚到呆，唔敢郁」；岑麗香就用英文留言表示沒可能不喜歡這樣！