網民邊睇邊擔心Lucy錯手揼落老竇重要位置。
端午節雖然已過，但李璨琛（Sam）仍好有興致同5歲大女李元元（Lucy）在家裏玩撐龍舟。梁志瑩（Sophia）在ig上載兩父女坐在地下的坐墊上，一個扮撐槳一個扮打鼓，留言：「幾欣賞屋企全家上上下下嘅人都有『無聊事認真做』嘅態度 #LU舟競賽」。
當Sam用盡力扮撐槳，Lucy就跟着節奏用雙拳打落爸爸的坐墊上，只穿孖煙囪的Sam完全吸引了網民的視線，紛紛留言：「第一條片，唔知點解一路擔心LuLu錯手揼錯位置」、「我以為自己咁諗。原來都有人咁樣諗」、「小心LULU一嘢鋤落老竇下面」、「蛋碎的節奏，睇見都有啲擔心」。
Sam個表情好搞笑。
然後第二條片父女調轉位置，Lucy撐槳，反而Sam在這個位置上出事，被囡囡鋤中手指，十指痛歸心的他隨即受傷倒地雪雪呼痛。
反而調轉做鼓手出事，被Lucy支槳鋤中手指。
