馬國明及李龍基今日出席迷你倉活動，李龍基帶了數隻名錶到迷你倉收藏外，更帶上太太親手製作給他的泥公仔生日禮物，訪問中他更相當感觸，「呢兩個我模樣嘅泥公仔係地球上唯一，因為係我老婆親手整嚟送俾我，所以好珍貴，老婆手藝好好，係賀我生日，我都希望佢將來有機會可以再整個我以前有鬍鬚嘅造型泥公仔，對我嚟講好珍貴，擺在屋企當眼的位置。」基哥表示每次提起獄中太太Chris就會眼濕濕，「每次提到佢都會咁，諗起佢失去自由，又見唔到老公就會心噏，不過唔緊要，向好嘅方面諗，剩返七個月就可以重獲自由。平時去探佢時都好少提及令佢傷心嘅事，試過同佢講好唔捨得佢，佢就會馬上喊，所以大家都盡量風花說月，其實她在獄中都有好多資訊，會看到我的信息，近期又好多DJ在電台播我的舊歌，每次聽到她都會好開心，始終都是老公好，其實她已經放下了，對自己有深刻的反省，因為她以前真係做錯，亦知自己錯在那，將來我們繼續在一起都應該知點做，係一件好開心的事。」
至於馬國明今日出席活動，拿出心愛唐老鴨一起出席，他表示自細喜愛唐老鴨，家中已有近萬款唐老鴨產品及公仔，問到係咪俾太太迫遷，所以要擺迷你倉，「因為由細到大儲咗近萬年唐老鴨，有啲係細時媽咪買，好有價值，雖然我好多嘢，但屋企位置我係心甘情願俾太太擺，除咗唐老鴨，又有好多模型， fans又會做劇集中角色模型俾我，不過老婆都好好，屋企都俾好多位我，當然唔止一個櫃，但始終女仔比較多嘢，所以空出嚟俾太太擺囉。」
