杜德偉（Alex）昨日平安夜在北京舉行《Get Up起來世界巡迴演唱會》，現場超過5000歌迷座無虛席，而Alex哥哥杜德智和圈中好友林珊珊、上山詩鈉亦特地飛到北京撐場。
對於首次在北京開個唱，Alex直言感到很開心，他表示本來無打算帶囡囡AJ到北京，「平安夜要同屋企人、愛嘅人一齊過，今晚能和歌迷一起過，他們也像家人一樣，好多謝愛我嘅歌迷亦愛埋我嘅屋企人，我太太同仔仔收嘅禮物重多過我！哈哈！」而AJ今次擔任小助手為爸爸打氣，AJ說：「爸爸加油！Good Show!」
他戴上聖誕帽化身小聖誕老人，更與爸爸一齊唱聖誕歌及工作人員合照，Alex更搞笑對AJ講：「影完相你可以收工啦，放飯！」AJ也對爸爸就：「好呀！」Alex反問：「你知咩係收工咩？」逗得所有工作人員開心大笑。
在演唱會上，「愛妻號」Alex在台上分享老婆為準備的愛心物品，閃爆全場，「我帶了護唇膏、竹蔗水、蘋果雪梨同燕窩……大家知道咩係愛嗎？呢啲就係老婆俾我嘅愛！」惹來現場歌迷起哄。
當Alex演繹到金曲《真的想你》時，久未露面的溫嵐驚喜亮相，還帶來了大熱舞曲《熱浪》。
