家庭倫理作為主題，大陸長篇劇《金婚》曾打破一貫以來的章回結構。全長五十集，每集刻劃男女主角婚姻中的一年。以單元鑄成史詩，行內的術語，這就是High Concept。
High者，大膽也，綱領不怕崇高，也要編劇有特定造詣。《金婚》不會虎頭蛇尾，編劇王宛平功不可沒。
香港每晚一小時長劇草創期與之前半小時的分別，乃由個人編劇制轉向集體創作。以自編自導馳名的甘國亮先生，十集《山水有相逢》（一九八○）一氣呵成，同年的《輪流傳》轉戰長篇劇，卻要「明知不可為而為」，頭五集親自操刀外，餘下便得與方令正，陳連心等編劇分「甘」同味，或為保持原著精神，就要有「金」同享。
在署名金確涼的編劇寫的第十二集裏，臨近中秋，有過數面之緣的解樹仁（林子祥）與陳婉嫻（黃韻詩），在一眾旁人的推波助瀾下，情感貌似突飛猛進。當中大力搧動大葵扇者，有性好支配他人的解太太與解文意（黃曼及李司棋），亦有心急兒子成家立室的解父解母（白文彪及上官玉）。中秋節，如是成為「人月雙圓」的美麗誤會。
「待字閨中」的家中獨子，聽到剛進門的父親說他「沒有心肝」：「六點幾鐘嗰陣我就周廠搵你都唔見你，你去咗邊度呀？」小鬍子回答：「我見廠無咩嘢做，坐順風車出咗嚟先之嘛。」
慈祥的父親續說：「我唔係話你好早走，嗰陣時大伯娘（黃曼）仲響廠㗎嘛。」對嫂嫂的顧忌可想而知，又問兒子：「你有響廠執幾盒（月）餅俾阿陳奉襄（婉嫻父，陳有后飾）佢哋呀？」小鬍子回答：「無呀，送禮張單都無寫佢名。」
「乜你做人咁板㗎，呢啲嘢我唔講你都應該識做㗎啦。」旁邊的母親插嘴：「嗰個女仔嘅爸爸呀？佢叫咩名？小鳳呀係咪呢？」小鬍子回答：「唔係呀，小婉呀，不過佢唔係真係叫小婉，佢叫做陳婉嫻，係阿大伯娘懶咩咁，成日叫佢小婉小婉之嘛……」
沒好氣的父親續說：「叫咩都好啦，你送嘢會送漏咗俾人哋嘅，你話成乜嘢說話呢！」小鬍子回答：「做乜無端端要送嘢俾人啫？」，「呢啲係心事嚟㗎嘛，你同人哋個女『行』（拍拖）喎！」，「邊度係呢！」，「你無咩？」引來母親的疑惑，父親更一頭霧水了：「乜你都咁問呀？唔怪得大嫂話我哋兩公婆懵盛盛乜都唔知啦！」母親遂啟動「掩口」模式：「你快啲攞啲禮物俾人呀，如果唔係，人哋會責怪我哋無規矩㗎。」小鬍子終於不吐不快：「做乜乜都要聽大伯娘講啫？佢知道得幾多喎？」激發父親一錘定音：「我哋乜都唔知就真！」
把被他人眼光所籠罩的一家人寫得如此傳神，除了甘國亮，唯有金確涼。