呢個奸險人物，就係由林子超飾演太醫袁文傑個學徒，這個星期講到定欣為了陷害娜姐同馬國明有染，叫林子超扮「宮女」在浴室大叫有刺客！
不過，「毒行」陸續有，林子超反轉豬肚，不單止落毒殺恩師袁文傑，仲做埋胡定欣嘅走狗，而最新一場戲，就係娜姐教訓林子超，用髮釵插佢隻手，林子超做嘅痛苦表情真係幾逼真！
其實林子超係演藝學院跳舞系畢業，曾經在Now做過主持，不過做了五年後，就自己向外闖，除了教小朋友跳舞，還拍吓網劇，直至一七年，才加入無綫，而《宮心計２深宮計》是他第一齣拍的電視劇，他說：「第一次拍劇，就遇上定欣同娜姐，她們一個是視后，一個是提名香港金像獎最佳女主角，我覺得自己好幸運，而且自己一直喜歡拍戲，現在可以做到，真係夢想成真。」林子超仲叫大家留意，因為日後好多陰險劇情，「定欣同娜姐的戲，真係唇槍舌劍，眼神好到位㗎！」
部分影片來源：my TVSUPER
(www.mytvsuper.com)
部分圖片來源：my TVSUPER
(www.mytvsuper.com)