唔少男人都想肌肉可以快速增長，變做大隻型男，所以keep住每星期都會抽少少時間去做Gym，但係要做大隻佬又邊有咁簡單呢？現年51歲嘅林文龍清楚知道要做肌肉男絕對冇捷徑，所以呢兩個月嚟風雨不改咁操肌，太太郭可盈見到自己老公咁有毅力去做一件事，都忍唔住係微博表揚一下，順便俾大家睇下林文龍呢兩個月嘅成績。
郭可盈：「他實事求是，他努力不懈……這兩個月來默默地每天至少2個小時的勁量級操練，真是少一點毅力也不成！要放棄實在太容易！佩服你堅毅不屈的精神，欣賞你踏實認真的態度！就容許我偷偷的分享一張照片吧！」文龍見太太share完張相都好快手覆番佢，「謝謝老婆！ 今天我必須要抒發一下心情#致所有愛過的人，要人尊重你首先要尊重自己！一直以來，我都很尊重自己的職業，所以我會不辭勞苦地去鍛練自己，務求做到最好！」
各位男人，記住要變大隻型男絕對冇得一步登天，大家不如向林文龍學習，實事求是咁每天操肌吧。
圖片來源：郭可盈@微博