林盛斌（Bob）出道至今均以光頭示人，日前（1日）他在社交網貼上一張中學時期擁有濃密頭髮的學生相，留言：「其實個樣同而家冇乜分別，只係有頭髮，印象之中，應該係讀中四中五左右嗰期。𡃁仔扮大哥就係呢啲，著恤衫扣少兩粒鈕要見到個心口，要俾人睇到戴條金鍊加個牌好似撈得好掂咁，再手指尾戴隻戒指唔知為啲咩。你有冇試過？」
帖文一出，竟然有不少網民指Bob勁似張智霖，不過當有網民留言：「點解第一眼我以為輝智，屈到病個表情之一」，再有網民笑指：「係呀，似關嘉敏扮輝智個表情」後，最終似譚輝智及關嘉敏扮譚輝智的讚多過張智霖。
