梁漢文(Edmond)早前到澳門開騷,反應非常熱烈,唔少歌迷都希望佢可以再舉行演唱會。
而Edmond近日就著手創作新歌,噚日(23日)就去咗錄音室開工,期間仲與同事合唱佢20多年前嘅舊作《好朋友》,Edmond喺Instagram分享唱歌片段:「今日嚟錄音室其實有D新嘢搞,但喺呢位靚女同事見到個琴之後話想jam首歌。」
網民都紛紛大讚Edmond嘅歌聲,「超好聽,期待你的新搞作」仲話夠喉喎想聽多啲,「好想睇多啲」、「好正呀! 開咗個頭就完,引死人咩!」
圖片來源:梁漢文@Instagram